[A:58a-305] / /nad gdon bar chad sol/ /rgyas par mdzod cig tshe dang bsod nams dpal/ /dbang du mdzod cig snang srid mi dang lha/ /sgrol bar mdzod cig bstan la gnod byed dgra/ /gang zhig bstod pa 'di yis bstod byed pa/ /de la bstan srungs khyed nyid nyi ma dang / /de'i 'od ltar mi 'bral 'grogs nas kyang/ /byang chub bar du bsrung zhing skyong bar mdzod/ /rgyal chen khyed la bstod cing gsol ba'i mthus/ /rgyal ba'i bstan la gnod byed dgra zhi zhing/ /rgyal ba'i bstan 'dzin chos dang 'byor pa rgyas/ /rgyal ba'i bstan pa yun du gnas gyur cig//ces pa'i bstod pa phul te/ de ma thag bskang gso ba rnams la btsugs/ brgya tshar la sogs pa mdzad pas/ sku khams rim pas dngas par gyur to/ /de'i tshe rnam par thar pa cig la cig 'phel du song bas/ chos sde chen po thub bstan yangs pa can dang / gra tshang chen mo sogs dge 'dun gyi sde rnams dang/ skye bo mtha' dag gis kyang chos skyong gi zhal gzigs par yongs su grags/ de nas gzung ste thugs dam gtor spungs gnang ba gzims chung gi yang thog tu gshegs pa'i tshe/ chos skyong dmar po'i gtor ma/ la stod kyi dgu 'dren pa'i dus su'ang 'khyags mi srid/ dus der rje drung du kun gyis chos skyong zhal gzigs par gleng ba/ tshul ji ltar lags zhus pas/ kho bos gong dkar gyi bzhi sder