[A:58b-306] yod dus rmi lam gsal ba zhig la/ lha ri kha'i rgyab nas/ chos skyong zhi ba'i rgyal mtshan gyi tog yin par 'dug zer ba'i rin po chen 'od shin tu 'bar ba zhig mthong bas/ da ni chos skyong mngon gsum du mthong bar 'gyur ro snyam pa'i sems tsam zhig ni byung/ de bas gzhan du sngon du smos pa'i mtshan ma de tsam ma gtogs/ gzhan ma bshad rgyu med/ 'on kyang kho bo ni/ bstan bcos rnam 'grel las/ rkun po rmi sogs kyis slad bzhin/ ces pa'i don/ gang zag rkun po byung gi dogs pa'i rmi lam du/ rkun pos rang gi nor mngon sum du khyed pa'i rnam pa dang / bu med dkar shams ma dang phrad 'dod kyi blo yongs su brten pas de nyid dang phrad de 'dod pa spyod pa'i snang ba mngon sum du byung ba ltar/ kun rdzob lha'i rtog rgyun goms pa'i yi dam dang chos skyong la ngo mtshar du ci yang med ces yang yang bka' gnang/ de nas kyang gzhi med du ma dngas pa/ dge 'dun la thugs ma ches pa'i mthu las yin par gnang te/ tho rangs shig mnal lam du/ rin po che rab 'byor seng ge phebs/ dka' bcu ba dang de rang gnyis dge 'dun rnams la bshags pa gcig byed dgos pa 'dug gsung zhing/ dge 'dun gyi dbus su rin po ches byang 'dren gyi tshul dang/ rje nyid ram 'degs pa'i tshul du phyag 'bul dang lhan cig ltung bshags mdzad pa'i mnal lam byung bas/ de nyin nas tshogs pa sku rim du ltu bshags ma