[A:41b]gcung pa ba gug shi jo 'bum bya ba'i slob ma gcig mi nyag rgyal rgod kyi bla mchod la phyin/ de nas dngul gyi spyad cha dang / gos khyad par can mang po'i phod kha dang / bla bre sha ba ma la sogs pa longs spyod rgya cher 'bul ba byung / de la sogs pa chos dang zang zing gi 'bul ba rgya chen po byung ba thams cad dkon mchog mchod pa dang / sdug phongs la sbyin pa rgya chen po mdzad pas/ bde ba can du gshegs pa na gdan dang na bza' phrugs gcig ma yin pa/ gser til 'bru tsam mam/ yo byad bre gang ri ba ma bzung ba de ni ngo mtshar che ba yin no/ /bzhi pa ni/ rje nyid kyi zhal nas/ kho bo lo nyi shu pa'i g.yang dbar nyi phyed cig gnyid du song ba'i rmi lam du mtshan brjod bton pas/ phyed tsam 'thon tsa na gnyid sad/ yang lo nyer gcig pa'i g.yang bar nyi phyed cig tsog gnyid du song ba'i rmi lam na skye ba snga ma la bzung ba yin byas te mtshan brjod tshar gcig kha don du bton pa rmis pa'i rjes su 'phags pa 'jam dpal skye ba bdun gyi bar du yi dam gyi lha'o zhes lung bstan pa rmi gsung / lo nyer gnyis pa'i dus de ka tsa na nyal ba'i rmi lam du rgya gar gyi yul shar phyogs bha rendra na rin po che'i nags rgyas pa cig yod/ de na ri la dgon pa cig na sngags pa'i paNDi ta bgres po gcig tu yod pa la/ de'i byang na yul chen po gcig gi byang ngos na rgyal pos lha khang brtsigs nas rab gnas zhu ru byung bas nga rgas nas mi nus/ nga'i ming sgo mtha' yas pa'i blo gros bya ba yin/ ming de sgo gong la bris la zhog des bar chad bsrung ba yin/ de nas nga'i slob ma paNDi ta gzhan zhig la gyis byas