[A:42a]so/ /de nas tshe'i dus byas nas ma ga dhA bya rgod phung po'i ri'i byang ngos na btsun pa'i paNDi ta rgas po cig yod pas/ tshe'i dus byas nas o rgyan gyi yul gyi byang gi ri la dgon pa cig yod/ de'i shod na lha khang cig na 'khor rnams yod/ de'i dpon btsun pa'i paNDi ta gcig tu yod pa las 'das/ de nas skye ba gnyis yod de brjed/ de nas bod gcung pa'i phu byang du bstan pa'i mda' bye tshub ldang ba'i shar gyi gad le'i logs nas kha byang du bstan pa na them pa la 'dzegs pa na dgon pa cig yod/ de na lho phyogs na nag po tshangs byas pa/ byang ngos na mchod khang cig gi nang na gser gyi mchod rten gcig gi nang na sngags pa bgres po cig tu yod pa'i tshe mtshan brjod mang du bshad/ de'i dus kyi 'grel pa sngags don rnam gzigs yin/ de'i dbu na/ thob dka' rgyu dang bcas pa yi/ /mtshan gyi don rnams bsdus pa yin/ bya ba cig yod de da lta sgam 'di na bzhugs/ de rtsa ba mtshal gyis bris par bshar mar 'dug pa dran/ spyir ngas skye ba bdun tsam dran pa rmis/ gnyid sad pa dang ston pa spal ston gam na 'dug pa la bzlas te dpe g.yangs pas 'grel pa de snang ngo / /dus phyis lo so bdun lon nas/ slob dpon rin po che bde ba can du gshegs nas ring po ma lon pa'i tshe/ dgun gyi tho rangs mnal du song ba'i tshe slob dpon rin po che'i gdung khang gi gseb nas sbrang bu che'i skad lta bus sgra bar snang la thon te 'di skad ces/ khyod ni 'di nas byang phyogs su zhing khams dpag tu med pa 'das pa na 'jig rten gyi khams gser gyi mdog