[A:38a]'thungs pa rmi ba cig byung / 'di bdud las yin bsams nas ma 'thungs/ da de tsam 'dod pa mi 'dug nas bsten gsungs/ de min tha mal du sha chang zhal la mi reg skad do/ /dgung lo bcu pa la sdom pa nyi shu pa dang / sgrub thabs mtsho skyes gsan nas bcu gcig pa la gsungs pas thams cad ngo mtshar skyes te blo gros chen po zhes btags so/ /bcu gnyis pa la dges rdor rgyud gsum gyi po ti gsol ba'i mnal lam byung ba dang / chos thams cad kyi de kho na nyid thugs su chud do/ /de'i tshe sa chen gshegs nas chos 'khor chen po mdzad de/ /rang gi slob ma la brtag gnyis gsungs pas ngo mtshar bar gyur to/ /bcu gsum pa la gcen dbus su gshegs pa nas bzung ste dgung lo bdun cu bzhes pa'i bar la sngags kyi bshad pa mdzad cing / gsung ngag kyang bla mas bka' rgya lo dgur mdzad pa las bcu gsum gyi bar ma gsungs shing / de'i bar la slob dpon rin po che/ gnyan gtsug tor rgyal po/ zhang tshul khrims grags/ snyag dbang rgyal/ bal po dza ya se na/ lo tsA ba dar ma yon tan/ sum pa lo tsA ba dpal mchog dang po'i rdo rje la sogs pa las/ bla med la kye rdo rje rtsa ba dang bshad rgyud mtha' dag 'grel pa sgrub thabs dang bcas pa'i bshad srol mi 'dra ba du ma dang / bde mchog rtsa ba dang bshad rgyud yan lag dang bcas pa mtha' dag dang / gsang 'dus 'phags skor rgyud gsum 'grel pa yan lag dang bcas pa dang / ye shes zhabs skor la/ rgyud dang dza yan la sogs pa'i man ngag dang bcas pa mtha' dag