[A:38b]dang / ye shes zhabs kyi bye brag sman zhabs kyi rgyud 'grel man ngag dang bcas pa dang / zhal lung yan lag dang bcas pa rnams gsan no/ /rnal 'byor rgyud la/ de nyid 'dus pa 'grel pa de nyid snang ba dang bcas pa/ rdo rje rtse mo/ dpal mchog dang po/ sbyong rgyud la sogs pa yan lag dang bcas pa gsan no/ /gshin rje gshed kyi rgyud gsum yan lag dang bcas shing man ngag du ma dang dus 'khor gyi phyi nang gi rtsis man ngag dang bcas pa dang / /mtshan brjod 'grel pa yan lag dang bcas pa dang / yang spyod rgyud la/ mi g.yo ba'i rtog pa chen po la sogs pa du ma dang / bya rgyud la/ gsang ba spyi rgyud/ dpung bzang la sogs pa du ma dang / gzhan yang mdo/ bstan rtsis/ man ngag la sogs pa'i chos kyi rnam grangs bsam gyis mi khyab pa gsan zhing thugs su chud par mdzad de/ /chos gang zhus kyang de ma thag thugs las gsungs pa las phyis bya gsungs ba'i lugs med/ gzhan yang rje pa na re/ nga thos rgya can ma yin te bltas rgya can yin/ bka' sde snod kyi chos la ma bltas pa tsam med/ 'on kyang dge slong cig bsgrubs na dgongs nas 'dul lung phyi mo thub ma gzigs/ de nas dge slong mi 'grub bar 'dug nas lung yang gzigs zhes gsungs/ thugs dam la shin tu brtson te nam phyed thug par thugs dam gyis dus 'da'/ de nas tho rangs snga mor na bza'i tshags mdzad/ dgun yin yang sku rags la bum pa dril nas tho rangs su khrus mdzad nas thugs dam la 'jug chos gsungs pa'i dus su yang chos gsung du 'byon pa dang kye rdo rje