[A:317a]che/ /kun kyang mi rtag 'jig chos can/ /nga mi tshe ring na ring bas dga'/ /rang gi lus ngag yid gsum gyi/ /spyod lam bya ba che phra kun/ /bstan 'gro yi don las ma 'das shing / /rang dang nye gnas kyi grogs kun kyang / /rtag tu chos mthun gyi las spyad nas/ /rang gzhan kun gtan legs kyi 'dun ma byas/ /'dun ma de gegs med 'grub ste mchis/ /mi kho bo'i nye gnas rnams skal ba bzang / /yang 'chi bar gyur kyang 'gyod pa med/ /bstan 'gro la phan 'dod kyi lhag bsam dang bcas/ /sngar byas kyi sdig pa kun bshags shing / 'dir snang gi bya ba snang med po/ /ci byas sdug bsngal gyi rtsa ba la/ don med kyi 'khri ba kun bcad de/ /bla ma dang dkon mchog la blo gtad nas/ /'pho ba dang smon lam gyi mtshams sbyar te/ /zhing bde ba can du skye bar smon/ /gnas mchog der bu slob gdul bya sogs/ /'gro ba kun rim bzhin 'dren par re/ /ci byas kyang bde ba'i blo gdeng 'di/ /rje dus gsum sangs rgyas mi gzugs can/ /pha mtshan ldan bla ma'i drin las thob/ /sngon byon gyi brgyud pa'i bla ma rnams/ /khong la la sbas pa'i rnal 'byor gyi/ /bhu su ku yi tshul gyis bstan pa skyong / /kha cig na smyon spyod tho co mkhan/ /'ar 'ur dang ngan sems cal col tshul/ /la la dag thos bsam sgom gsum dang / /'chad rtsod rtsom pa yi bstan pa spel/ /de kun kyang sangs rgyas su ro gcig kyang / /'phral gdul bya'i las snang tha dad pas/ /khong 'dul byed sku yang de der snang / /de dus kyi dus mtshungs slob ma rnams/ /