[A:316b]gsungs pa ltar gyi bslab pa 'bul chog tshul bzhin du bgyis pa'i yongs rdzogs dge bsnyen rdo rje 'dzin pa'i brtul zhugs la gnas par bgyis te/ dpal ldan sa skya'i sde bstan pa gdung brgyud dang bcas pa'i 'dzin skyong spel gsum gyi khur 'di bzhin khur ba la brten pa'i rnam g.yengs ches pa nas/ rgyun gyi dge sbyor ngag 'don spros med sogs gang yang mthil phyin rang zhig mi yong 'dug pa sogs lung rtogs kyi yon tan cung zad tsam yang med pa'i yar 'dren gyi gzugs brnyan bdag la rtsa brgyud kyi bla ma ye shes kyi spyan ldan rnams kyis thugs mi khrel zhing rjes su bzung du gsol/ slar yang rang gi ngang tshul cung zad thol byung du smras pa/ rje lha mchog zur phud lnga pa dang / khong stobs kyi mgon po bi rU pa'i/ /don brgyud pa min par rjes bzung ba'i/ /dpal sa skya'i bla chen yab sras sogs/ /skyabs kun 'dus bla ma'i zhabs la 'dud/ /bu bdag la re sa gzhan na med/ /tshe 'di phyi bar dor thugs rjes gzigs/ /dus 'bral ba med par bskyab tu gsol/ /mi chos 'byor bral ba'i sprang po ngas/ /blo bsam mno 'chos pa'i glu chung 'di/ /tshig bsgrigs legs spangs te thol byung smras/ /da mthun rkyen 'dzom na 'dzom ste dga'/ /mi kho bo la mthun rkyen ci byung yang / /ljongs bstan pa'i bdag po sa skya pa'i/ /bstan bstan 'dzin dgon gnas bcas pa yi/ /don zhabs tog kho na las gzhan gang / /yang mthun rkyen zhan na zhan pas dga'/ /'du 'dzi chung bas g.yeng ba chung / /g.yeng ba chung bas chos spyod 'phel/ /dpal 'byor che yi sdug bsngal