[A:317b]dad cing lus pa rnams kun kyang grol/ /dad pa med pa rnams da dung lus/ /dpe 'di 'dra dngos su mthong bzhin du/ /khong dad med rnams snying re rje ba la/ /mi kho bo la bla ma mang yod cing / /khong de kun kyang gdul bya'i snang ngo ru/ /'dul byed kyi rnam par tha dad kyang / /don yin lugs rdo rje 'chang chen gyi/ /thugs ye shes ngang du ro gcig bzhugs/ /tshul 'di la nges shes gting nas rnyed/ /chos kun kyang yid bde'i ltad mor shar/ /gdan 'di 'dra shes tshad rang mtshang yin/ /'di ma shes kun kyang rang phung yin/ /don zab mo 'di 'dra rtogs pa yang / /rje bla ma kho na'i thugs rje ste/ /khyed rtsa ba'i bla ma byin rlabs can/ /drin dus gsum sangs rgyas yongs las lhag /thugs mkhyen brtse nus pa kun ldan pa/ /bu yid gnyis med par gsol 'debs kyi/ /sngar bzhin du bdag cag dpon slob kyi/ /yid bsam don ma lus 'grub par mdzod/ /nga chos med rnal 'byor A nanda/ /chos nyams len til tsam mi 'dug kyang / /rje yongs 'dzin bla ma'i bka' drin gyis/ /rang bsam pa'i khyer so 'di bzhin yod/ /gzhi gzhi med rtsa bral gnas lugs 'di/ /rje rje btsun bla ma'i thugs kyi gshis/ /rang rang sems de dang dbyer med pa/ /bu bu slob yod kyang de yi ngang / /ngang de nas mthong thos rig gsum 'di/ /'di bla ma'i sku gsung thugs su bsgom/ /bsgom de 'dra'i ngang nas rnam g.yeng kun/ /kun bstan 'gro'i don du gyur cig snyam/ /yid lhag bsam mtha' ru phyin pa dang / /dus phyi ma mthong thos dran reg kun/ /zhing bde ba can du kun