[A:316a]dengs nas/ kun kyang dbang du 'dus pa'i chos dang srid kyi dpal 'byor 'bad med lhun grub kyi sgo nas zang zing gi longs spyod sogs blos mi 'khyud pa tsam yong zhes gsung ba sogs dang / yang gling dga' chos grwa zur du bde mchog rtsa bshad kyi rgyud rnams gnang skabs/ rgyud zab mo 'di rnams phugs yul sa skya'i sngags dgon bde chen gling du rgyud 'don thabs rgyas pa re khyed rang gis rtsoms la tshugs shig gsung ba dang / yang sa skya pa drag zhan med khyed rang la mgo 'bul lus 'bul byed pa zhig yong ngo zhes gsungs pa sogs dus phyis 'di bzhin gyi gdan sa'i khur dgos pa'i lung bstan nges shes can mang du yod kyang / 'dir yi ger 'jigs nas ma bris la/ rgyu mtshan des na nged rang la bka' drin mchog tu che ba'i bla ma rnam gsum gyis gtso mdzad/ rtsa brgyud kyi bla ma gong ma ye shes kyi spyan ldan rnams kyi thugs dgongs rdzogs pa'i phyir dang / spyir sangs rgyas kyi bstan pa/ sems can gyi bde skyid/ lhag par dpal ldan sa skya pa'i bstan pa sde gdung brgyud dang bcas pa snying khong bcangs pa'i rang nyid gcig pu zhi bde don gnyer gyi blo rgyang ring du spangs nas/ theg chen sems bskyed kyi go cha bzang po gyon te/ lhag bsam bzang pos kun nas blangs pa'i nyan thos 'dul ba nas bshad pa'i bsnyen par rdzogs pa dang / dge tshul dang tshangs spyod kyi bslab pa ji srid 'tsho'i bar du bsrung bar khas blangs pa de nyid de las nyams pa dang / phyis blang du med pa sogs kyi nyes pa mi 'byung ba'i phyir/ dam chos 'dul ba rang nas