[A:315b]la bsgril dgos pa yong zhes yang yang du gsung ba sogs bka' stsal pa thams cad thog tu khel byung bas/ rang ngos nas gdan sa'i khur 'di tsam mi lcogs pa la thug 'dug kyang 'di bzhin gyi khur byas pas/ rgyal sras sbas pa'i rnal 'byor de nyid kyi dgongs pa chos dbyings su rdzogs rgyur 'dug pas gtso bor 'di kho na bsams pa dang / yang grub pa'i 'khor los sgyur ba 'jam dbyangs dbang po'i mtshan can nyid dang / spre'u lo gdan sa chen po nyid du mjal ba'i dus lha khang chen mo'i yang steng po ta lar nged rang la shin tu dges pa'i gsung mang du byon pa'i mod la/ sngon sngags 'chang chen pos gdan sa chen po'i 'dzin skyong mdzad tshul rnams zhib par gsungs nas/ da ni gdan sa'i khur khyed rang gis byas na ma byas na rang 'di ka yin tshul sku ngos su yang bka' nan stsal zhing / lhag par zhing mi brje tsam gyi sku bsnyung ba'i skabs shig thugs dam phyag bris ma zhig phebs byung ba'i nang na/ sa skya pa'i bstan pa 'di rtsa rlag la mi 'gro tsam zhig byed na sgar pa'i khams su bsdad gdung spel byas/ khyed rang gis sa skyar gdung spel byas nas ma 'chugs pa zhig byas na ma byas na rang du 'dug pa dgongs 'tshal/ deng 'chi kha ma tsho la de'i byus dgos rgyu mi 'dug gsungs pa 'dug pa nas/ rje 'jam pa'i dbyangs de nyid kyis kyang dgongs pa rdzogs pa'i phyir dang / gzhan yang rdo rje 'chang ngur smrig gi bla gos 'chang ba dus gsum sgrib med du gzigs pa'i rgyal ba mus pa chen po'i gsung las kyang / khyed rang ring por mi thogs pa log sgrub thams cad nam mkha' la