[A:32a]'ja' 'od 'khyil pa'i ri mo gang zhig rin chen rgyan chas spras pa lags/ /de slad g.yo med brjid pa 'di ni blon po'i dbang pos btud lags drang / /gang zhig dbang po'i g.yo med mchog dang kha'u'i sa 'dzin rgyal po ni/ /nyin byed gzhon nu shar ri'i rtse las yang yang son cing bltas pa na/ /zab yangs chos sgra rgya chen sgrogs la bde chen 'dir gnas mkhas mang rnams/ /mchog tu mthong zhes snyan pa'i 'od bzang sum rtsen mthar son bsgrags pa'i tshe/ /mchod sbyin brgya pa ngo mtshar gyur te mig stong sprul zhing bltas pa las/ /dad pa'i spu long ches cher g.yos pas rang gi longs spyod mchog gyur pa/ /sprin shugs rta mchog lha yi gos sogs dpag yas rgyan gyis brgyan pa dang / /rin chen sna tshogs spel legs phreng ba'i dra bas mdzes shing yid 'phrog pa'i/ /sa srung dbang po'i sna lag mdzes par 'chi med bdud rtsi'i rdzing bu la/ /chu skyes dri bzang sim pa ci yang ster byed snying por ni/ /skabs gsum gzhon nu rnam par sgeg cing snyan pa'i glu dbyangs sgrog pa sogs/ /mchod sprin rgya mtsho kun nas bkod legs rnam sprul mtha' yas sprul pa ni/ /chu gos 'thur gyi sbrel legs zung de mkhas mang rnams la 'bul ba bzhin/ /brag ri rin chen bye ru'i rang bzhin dmar ba 'di/ /padma rA ga'i ya lad bgos pa'i dmag dpon zhig /phas rgol dpung tshogs gzhom la brtson phyir bgrod pa dang / mtshungs par 'gyur gyi gzhan ni 'ga' dang ma lags so/ /gang zhig tsha zer 'od kyi reg pas lhun po'i gos mchog dbang sngon bzhu ba'i khu ba dang