[A:315a]ltar yin pas sa skya zer ba'i ming yang mang po la rgyas byung ba 'dzin skyong spel gsum la blo khur bskyed pa rang gal che che gsung ba 'dug pa/ de dus ni rang blun pas ma go yang / phyis bsams pas sngags 'chang nyid rang dag pa'i zhing du myur du phebs pa'i dgongs pa de dus nas gtad pa'i gsung du 'dug cing / yang de'i dus shig gi tshe nged rang gis rdo rje phur pa'i dbang bskur zhig bgyis skabs/ dbang yon du rgyal ba byams pa'i sku li ma dngos gtsang zhig byung ba sngags 'chang nyid la spyan lam phab pas/ sngags 'chang nyid kyi gsung las/ 'di rten 'brel bzang / byams pa'i bstan pa ma shar bar gdung spel byas nas sdod zer ba'i rten 'brel yin gsung byung ba dang / yang de dus kyi skabs shig gsung las/ nged kyis kyang sngags 'chang chen po'i bka' chems snying la bcangs nas gdan sa'i 'dzin skyong gi ched du phyi nang gsang gsum nas yid chad gtor ba mang du byung yang bzod rang bsam pa byas bsran bskyed bas sa skya ming ma stong tsam byung ba 'di yin/ da cha khyod kyis nged la mi nyan pa 'dzin skyong spel gsum mi byed na nga yang su la bsams nas sdod du 'dug gang na'ang nged kyis sngags 'chang chen po'i bka' chems blos ma thong ba bzhin khyod kyis nged kyi ngag kyang mi gcog pa byed dgos/ de bzhin ma byas na gong ma ye shes kyi spyan ldan rnams kyang thugs khrel 'gro zhes gsungs shing / yang dus phyis rigs 'dzin brgyud pa'i rten bzhengs gnang skabs nged kyi rten gsar bzhengs blo la yod pa ltar 'di rnams kyi mjug khyed