[A:313a]zhes thos la/ de nas bdag chen gyis pur gyi chag phyi dang nang rten bzhengs pa sogs mdzad nas sog yul dang / rgya dar rtse mdo sogs su phebs te/ slar sa dkar 'dab 'dob phyogs su phebs par nye ba na/ skye bo mi srun pa 'ga' zhig gi byed pa sogs rkyen cung zad zhig la brten nas dbus gtsang phyogs su phebs te/ nged rang sku mched dges par mjal zhing thugs yid gcig tu 'dres pa'i legs lam yar ngo'i zla ba ltar 'phel rgyas su gyur te/ de dus gong nas zang zing gi gnang sbyin rgya che ba stsal zhing / 'di nas kyang 'bul nod bsam gyis mi khyab pa bsgrubs la/ khyad par sa lo thams cad mkhyen pa'i thugs dam ma lam zab brgyud pa sku rgyu li khra las byas pa sngags 'chang chen po yab sras rnams kyi gzims chung rten gral du rgyun du zhugs pa'i byin rlabs dang bzo khyad khyad par can de nyid rten tshab tu bzhes te/ khams phyogs nas bsnams pa'i sku 'dra rgya gar ma dang rgya nag ma 'ga' zhig gnang byung ba ni dus phyis kho bo cag gis sngags 'chang chos kyi rgyal po yab sras rnam pa gsum brgyud pa dang bcas pa'i thugs kyi dgongs pa bskang ba'i phyir/ gdan sa khyad par can 'di nyid du li ma lha khang dang rgya nag lha khang gsar bzhengs su bgyis pa la phan che ba byung ba yin la/ de ltar rje btsun mthu stobs kyi mtshan can nyid kyi sku gzhon nu'i dus nas yi dam zhi khro rnams dang / rdo rje chos skyong sogs kyi gsung bsnyen rnams mthar phyin par mdzad pas/ so sos zhal bstan cing byin gyis brlabs pa'i mtshan ma brnyes/ mdor na dbus