[A:309b]chil gyis 'khyil ba gdung bzhu ba'i dud pa ma yal gyi bar du byung nas/ slar yang dpon po ri phyogs su phyi 'gros kyi tshul gyi rim gyis yal ba kun gyis mthong zhing / gdung rnams phal cher ring bsrel dang gdung log kho nar gyur cing / de nas bdag nyid chen po'i thugs dam gsal 'debs su dges pa rdo rje'i dkyil 'khor chen po zhal phyes te sgrub mchod yun ring du phul zhing / dgongs rdzogs dngos gzhi'i dus su skya ser khri phrag tu longs pa la mang ja gdan non/ zang zing gi 'bul 'gyed sogs bsam gyis mi khyab pa bsgrub pa dang / de nas rje nyid kyi sku tshab gser sku thog tshad ma la sngar sngags 'chang chen po'i dgongs rdzogs su bzhengs pa'i lam zab brgyud pa'i kha bskang ste/ lam 'bras bla ma brgyud pa'i sku mi tshad tsam gyis bskor ba gsar bzhengs su mdzad pa'i rten rnams kyi gzungs gzhug gi gtso bo la bdag nyid chen po'i gdung tsha stobs che bar bzhugs su gsol zhing / gzhan yang gzungs sngags dang byin rlabs kyi rten sogs dpag tu med pa bzhugs pa'i sku brnyan de rnams la 'jam mgon grub pa'i dbang phyug padma sambha ba'i rnam par sprul pa dbang po'i mtshan can dang / byang chub sems dpa' chen po 'jam dbyangs ngag dbang kun dga' dbang rgyal te khu dbon zhal rnam pa gnyis gtso bor bzhugs pa la rdo rje 'dzin pa'i 'khor du mas bskor ba dang bcas rab tu gnas pa'i cho ga rgyas par mdzad de byin rlabs kyi gzi 'od 'bar bar bzhugs shing / slar yang ngos cag gis bdag nyid chen po de nyid kyi dgongs pa rdzogs thabs su nyid kyi nang rten du dmigs