[A:310a]pa'i rnam rgyal mchod rten rgyu rin po che dngul las grub cing bzo khyad dang phra rgyan sogs phun sum tshogs pa kun gyis mthong na yid 'phrog pa ngo mtshar can nyid legs par bzhengs te/ de'i gzungs zhugs kyi gtso bor sngags 'chang bla ma de nyid kyi gdung ring bsrel dbu lo sogs stobs che ba dang / nyid kyi sku 'dra phyag nas stong tshar ma/ rje nyid zhal bzhugs dus nged rang la gnang ba'i tshems dang zhal rgyan bubs/ gzugs sku bsdu ba'i dus su sku la mchod bzhin pa'i na bza' byang sems dkar dmar gyi rgyun chen po babs pa de nyid bubs ma nyams pa/ nyid kyis kye rdor gzhi bsnyen mdzad dus kyi dbu skra'i zegs ma la sngags 'chang chen po'i phyag bris 'byar ma/ gzhan yang sa lo thams cad mkhyen pa'i sku 'dra phyag nas brgya tshar ma/ sngags 'chang chen po'i sku tshe hril por 'bral spangs mdzad pa de nyid dang / yang sa lo'i pur ras la sngags 'chang chen pos bzhengs pa'i lam 'bras brgyud pa'i bris thang / rje btsun gyi phyag nas bzhugs pa'i bris thang chung ngu / sa lo'i sku 'dra brgya rtsa'i drung du sngags 'chang chen po re re dang bcas pa yod pa'i bris sku byin rlabs can/ bde kye gsang gsum rnal 'byor ma dang bcas pa'i bris sku bla ma gong ma rnams kyi gsung bsnyen mdzad dus kyi thugs dam rten 'khrul med re re khyab bdag 'khor lo'i mgon po rgyal ba mus pa chen po rdo rje 'chang sangs rgyas rgyal mtshan gyi bris 'bur gyi sku rje nyid kyi phyag nas brgya rtsa ma/ mus chen gyi gdung tsha gdung rus dbu lo rnams stobs che ba dang / sku chos tshul khrims