[A:305b]skya pa'i/ /bstan pa dri med yar ngo'i zla ba ltar/ /'phel zhing rgyas nas 'jig rten khams 'di ru/ /bde skyid ma lus 'byung ba'i rgyur gyur cig /ces pas bstan/ da ni de lta bu'i yid la re ba'i don thams cad bde blag tu 'grub pa yang / mtshan nyid dang ldan pa'i bla ma rdo rje slob dpon gyi byin rlabs rang gi shes rgyud la zhugs pa la rag las pa'i phyir/ de nyid 'dod gsol gyi sgo nas gsol ba rtse gcig tu btab pa ni/ sems dpa' chen po bla ma'i thugs rje dang / /snying nas dad pas gsol ba btab pa'i mthus/ /'dren mchog slob bu'i tha chung bdag rgyud la/ /chos kyi rgyal po'i byin rlabs 'jug gyur cig /ces so/ /da ni gsol 'debs kyi sbyar byang bstan pa la/ gang gis brtsams pa'i gang zag ni/ /tshul 'di sngags 'chang rje nyid kyi/ /rigs dang chos kyi bur gyur pa/ /zas gtsang sras kyi bstan pa yi/ /sgor zhugs skyes stobs blo gros can/ /ngag dbang kun dga' bsod nams kyis/ /zhes pas bstan la/ gang du brtsams pa'i gnas ni/ gong mas byin rlabs sa skya yi/ /gzhi thog bla brang mkha' spyod du/ /snying nas dad pa thob ste sbyar/ /bla ma so skyer 'dzin pa yi/ /chal chol smra dang 'di mi mtshungs/ /zhes pas bstan/ de ltar brtsams pa'i dge ba rdzogs byang du bsngo ba ni/ 'di las bsod nams gang thob des/ /'gro kun thar pa'i bde thob phyir/ /bdag cag tshe 'di'am 'chi kha 'am/ /bar dor 'bras bu smin gyur cig /ces pas bstan/ de lta bu'i kho bo cag la mchog dang thun mong gi dngos grub ma lus pa stsol bar