[A:305a]kyi ngo mtshar ba'i rnam par thar pa bsam pa dang brjod pa'i yul las 'das pa rnams don bsdus pa'i tshul gyis 'di skad ces bstod de/ mdor na sngags 'chang rdo rje 'dzin nyid kyi/ /ngo mtshar rnam thar brjod kyis mi lang zhing / /bdag 'dra'i byis pa'i blo yis rtogs dka' bas/ /yon tan rgya mtsho'i mnga' bdag khyod la 'dud/ /ces so/ /de dag gis ni bstod pa dngos kyi don rags rim brjod zin nas/ da ni rje btsun sngags 'chang bla ma sems dpa' chen po nyid kyi rnam thar brjod pa po gang gis 'di phyi'i don thams cad yid bzhin du 'grub par bya ba'i phyir/ dus gsum gyi sdig pa bshags pa dang / yang dag pa'i smon lam btab pa gnyis las/ dang po ni/ bla ma'i mdzad pa skyon gyis ma gos kyang / /bdag cag las ngan bag chags rab 'thug pas/ /dus gsum log lta byang chub bsgrub pa'i gegs/ /snying nas 'gyod pa chen pos mthol lo bshags/ /zhes pas bstan la/ gnyis pa smon lam la rang don phun sum tshogs pa dang / gzhan don phun sum tshogs pa'i smon lam btab pa gnyis las/ dang po ni/ bdag kyang skyon bral sum ldan la gnas shing / /thos bsam sgom pas rang gi rgyud sbyangs nas/ /'chad rtsod rtsom la g.yeng ba'i bdud spangs pas/ /zhes pas bstan/ gnyis pa bstan pa rgyas pa'i smon lam la/ spyi dang bre brag gnyis las/ dang po ni/ spyir gyi bstan pa 'phel zhing rgyas gyur cig /ces pas bstan/ gnyis pa bye brag bstan pa rgyas pa'i smon lam ni/ khyad par 'khrul med rje btsun sa