[A:304b]rkang lag gi rjes tsam byung ba la mtshar du 'dzin pa ni ma brtags pa chen po ste/ de lta bu ni rdzas kyi nus pa sogs la brten nas 'byung bar yang yongs su grags pa'i phyir ro/ /de lta bu'i 'gran zla dang bral ba'i yongs 'dzin dam pa 'di nyid la bdud kyi gnas mal snying la bcas pa'i gang zag 'ga' zhig gis log sgrub brtsams pa de'i tshe/ sa skya pa'i bstan srung dbang po rnams kyis mngon sum du tshar bcad pa'i tshul ni/ de yang skabs shig gi tshe bstan pa dang rnal 'byor pa la do bdo ba'i gsang ba'i dgra bo stobs ldan zhig gis log sgrub tshan chen po bsgrub par nye ba na/ bdag nyid chen pos chos skyong rnams la 'phrin bcol drag tu mdzad pa'i tshe/ rje nyid kyi gzims chung gi gtor khang gi mdun gyi spyan gzigs kyi rgya ral 'khyog po zhig las khrag rlon pa mngon sum du 'dzag pa byung ba dang bstun/ nyid kyi mtshan lam du bande zhag gis rgyu ma glo snying sogs nang g.yos tshan cig khur byung ba bzhes pas/ nang par yang sku khams log pa'i rnam pa byung ba chos skyong gis sha skal byin par 'dug gsungs shing / de dag dang dus mtshungs par mig mthong mkhan zhig gi rmi lam du/ bstan dgra dmigs yul gyi mi de nyid kyi phung po khyogs la bteg nas mgon po'i lam mkhan rnams kyis khyer byung ba rmis pa na/ de nas zhag 'ga' ma lon par stobs ldan gyi bstan dgra de nyid tshe'i dus byas nas log sgrub mtha' dag rang zhir gyur pa yin no/ /gzhan yang 'di 'dra ba'i rigs can 'ga' zhig yod mod kyang brjod pa'i skabs ma yin pa'i phyir re zhig bzhag go /de lta bu'i skyes bu chen po de nyid