[A:301a]khyi nag sogs ro stod yan chad med pa mang po sku mdun du phung phung byung ba na/ de'i nang par gsung las/ nged kyi rmi lam de bris sku myur du 'dri dgos pa'i rtags su 'dug gsungs nas thugs rtsol chen pos phyag bris legs par mdzad nas rab gnas dang bskang gso rgyas par mdzad pa'i dus su yang ngo mtshar ba'i rtags du ma byung ba yin la/ gzhan yang zhing skyong dur khrod bdag po dang / dpal ldan dmag zor rgyal mos kyang zhal dngos su bstan pa'i lo rgyus yod mod kyang yi ges 'jigs nas ma spros la/ yang dkar phyogs la dga' ba'i lha rnams kyis sri zhu bgyis pa'i tshul ni/ rje nyid lha chen yang rtser thugs dam la bzhugs dus snga dro mnal sad ran pa na nam mkha' nas dril bu skad bzang po zhig dkrol 'ong ba de'i rkyen gyis gnyid sad 'phral thun la 'jug pa dus rgyun du byas gsung ba dang / yang bde mchog chu mig rdzing khar thugs gnyer mdzad dus bshar sbyang gi skabs 'gar cung zad mnal ba'i tshe che chung phug ron tsam pa'i bya zhig sku dpung gi steng du babs nas mnal krog pa dus rgyun ldan du byung gsung ba 'di dag ni dkar phyogs kyi lha gzhi bdag gnyug mar gnas pa rnams kyis go re len gyi zhabs tog pa'i tshul gyis phu dud du bgyis par snang bas shin tu ngo mtshar ba'i gnas so/ /de ltar nges pa'i don du drug pa rdo rje 'chang chen po nyid gzhan ngor gos dkar lcang los mdzes pa'i sngags 'chang mchog gi skur bstan pa'i skyes bu chen po 'di nyid kyi zhabs kyis bcags pa tsam gyis kyang sa gzhi'i bcud 'phel ba sogs kyi sgo nas 'gro