[A:300b]yin zer ba'i rtags su 'dug gsungs shing / yang gsung las khyod nged kyi yum de nyid kyi sku skye yin pa'i lugs yin pas/ des na mdang nub khyod la nged kyis chos zhus so zhes gsung ba sogs nyams ldan gyi gsung mang du 'byon gyin 'dug pa/ 'di lta bu ni rje btsun rnal 'byor gyi dbang phyug birWa pa la/ rje btsun rdo rje bdag med mas ye shes kyi dkyil 'khor du dbang bskur zhing byin gyis brlabs pa'i tshul dang khyad par cung zad kyang ma mchis pas gzhan las rmad du byung ba'i rnam par thar pa shes par bya'o/ /yang nyid kyi rigs sras sngags 'chang ngag dbang kun dga' dbang rgyal gyis gsol ba btab pa'i ngor/ pu tra chen po'i sku rkyang pa bzhugs pa'i bris thang khyad par can 'di phyag bris mdzad pa'i tshe mnal lam du/ a tsa ra pho mo gsum byung ba'i gral mgo ma de shin tu dga' ba'i rnam 'gyur ston pa la/ gzhan gnyis po de cung zad khros pa'i tshul gyis 'dug pas/ de'i nang par rje nyid kyi gsung las/ nged la mdang nub rmi lam 'di bzhin byung ba bris thang 'di la pu tra ming sring gsum ka ma bris pas lan par 'dug ces gsungs shing / 'di yang 'phral la 'khu ldog ltar snang yang / don la chos skyong nyid shin tu 'go zhing 'ches pa'i thun mong ma yin pa'i rtags su shes par bya zhing / gzhan yang dngos cag rnams kyis gsol ba btab nas gur gyi mgon po lha brgyad kyi bris thang khyad par can rnams phyag bris mdzad pa'i dus su/ bris sku rnams kyi sku sked yan tsam grub nas zhag 'ga' thugs brel gyi dbang gis 'gyangs pa'i tshe/ rje nyid kyi mtshan lam du bya nag