[A:300a]bzhi pa rang gis bkug par 'dug cing / 'di la rjes 'brang zhig yod 'dug kyang chos skyong rang gis ring du bskrad nas/ da cha skyon yong ba med pas hor sil 'di'i ming la yang zhing skyong mar thogs shig gsungs pa bzhin da lta'i bar du yongs su grags pa 'di yin la/ de lta bu ni zhing skyong dbang pos mthun rkyen dngos su bsgrubs pas ngo mtshar ba'i rnam thar du shes par bya zhing / yang zhal bzhi yongs rdzogs kyi bris sku 'ga' zhig phyag bris mdzad pa'i tshe yang / skyed lhas kyi sgrub sde'i khrod na rje nyid bzhugs 'dug pa la/ sgrub khang zhig gi nang na a tsa ra gdong ba dmar nyag can 'jigs su rung ba du ma 'dug pa dang / g.yag rgod nag pos lung pa gang ba sogs mnal lam ya mtshan can mang du byung gsung ba yang chos skyong nyid shin tu 'go zhing mnyes pa'i rtags su mngon zhing / yang byas 'gyur rje btsun gcen gyi drung du bdag med lha mo bco lnga'i dbang bskur gsan pa'i sta gon gyi nub mo'i mnal lam du/ rang nyid kyi yum bkra shis dpal gyi bu khrid de nyid bzhugs khri mthon po zhig la bzhugs pa'i zhabs drung na sngags 'chang bla ma nyid la sogs pa slob 'khor mang po 'dus 'dug pa la/ rgyal yum dam pas chos kyi 'khor lo yun ring du bskor ba'i mtshan lam ngo mtshar can byung ba'i nang bar kho bo cag gis zhabs drung du phyin ma thag thugs dges spro chen po dang bcas nged la mdang nub rmi lam ya mtshan can 'di bzhin byung ba/ sngags 'chang bde bar gshegs pa de nyid kye rdo rje dang / nged rang gi yum de bdag med ma dngos