[A:293b]la/ thog mar rje btsun sa skya pa rnams kyi yab chos thun mong ma yin pa bcom ldan 'das rdo rje gzhon nu'i smin byed kyi dbang bskur ba lan grangs du ma zhig dang / gzhan yang yang dag mar me dgu pa'i dbang / gur drag gi dbang / 'khor lo bde mchog nag po pa'i dbang / gsang 'dus mi bskyod pa'i dbang / dges pa rdo rje'i rgyu dus kyi dbang dang / lam dus kyi dbang / bdag med lha mo bco lnga'i dbang rnams dang / gsung ngag rin po che lam 'bras bu dang bcas pa'i dbang khrid yongs su rdzogs pa cha lag 'ga' zhig dang / lam 'bras glegs bam/ gsung ngag bla ma brgyud pa'i rnam thar rnams kyi lung dang bcas pa/ yang rjes gnang gi rnam grangs la/ phur pa drag po sgrol ba'i rjes gnang / gur mgon lha brgyad/ lcam dral/ zhing skyong chen po/ dur khrod bdag po/ dmag zor rgyal mo/ mon pa ming sring / pu tra'i zur bka'/ dkar bdud rnams kyi rjes gnang sogs rjes su gnang ba'i rim pa du ma dang / yang lung gi skor la/ rje btsun gong ma lnga'i bka' 'bum/ rdo rje 'chang kun dga' bzang po/ rgyal tshab dam pa kun dga' dbang phyug kun mkhyen bsod nams seng ge yongs 'dzin dkon mchog 'phel ba/ 'jam dbyangs sangs rgyas rin chen/ sa lo thams cad mkhyen pa rnams kyi bka' 'bum yongs rdzogs kyi lung dang / gzhan yang rje dkon mchog lhun grub kyi bka' 'bum po ti dang po'i lung dang / rgyal sras thogs med kyi bka' 'bum thor bu ba rnams kyi lung dang / jo bo'i chos chung brgya rtsa/ sngags 'chang nyid kyi bka'