[A:294a]'bum sogs zab rgyas lung gi tshogs bgrang ba las 'das pa zhig gsan cing / lugs gnyis kyi bka' drin tshad med pa bskyangs pa la brten bla ma thams cad kyi nang nas kyang mchog tu 'dzin par mdzad cing / dad gus gdung shugs sogs kyang gzhan las ches che bas/ dgos byed khyad par can gyi dus gsol ba btab pa na/ phra rags kyi bya ba gang la yang sngags 'chang nyid nyams dang mnal lam gyi tshul gyis gsal bar byon nas lung bstan gyi tshogs rnams 'di dang 'di gyis shig par ston par mdzad pa yin la/ nyid kyis bzhengs pa'i bla ma brgyud pa'i bris thang ji snyed pa rnams la yang bris thang de nyid kyi grangs dang mnyam pa'i sngags 'chang nyid yab sras 'bral med kyi tshul du bkod pa'i mthong ba tsam gyis yid 'khul ba'i phyi nang gi rten 'brel zab mo la dgongs pa'i zhal bkod khyad par can du ma mdzad pa dang / khyad par dpal sa skya'i sde bstan pa gdung brgyud dang bcas pa'i 'dzin skyong gi 'khur gyi sku dang thugs yid dub pa sogs ngal ba brgya phrag dang du bzhes pa'i sgo nas mdor na ci mdzad thams cad sngags 'chang chos kyi rgyal po'i dgongs pa rdzogs thabs kho nar dmigs pa las gzhan du dgongs pa'i thugs cung zad kyang mi mnga' ba ni/ kho bos yang dang yang du nges shes rnyed pa lags pas sngags 'chang yab sras gnyis ka la bcos ma ma yin pa'i dad pa snying nas skyes pa yin no/ /gzhan yang bdag nyid chen po 'dis mus chen dkon mchog rgya mtsho zhes bya ba sems dpa' chen po 'phrin las kyi mnga' bdag de nyid kyi drung du