[A:290a]rlobs/ /gang gsung lugs gnyis blang dor ji snyed pa/ /ma 'dres gsal la rdzogs par ston mkhas pa'i/ /zil ldan tshangs pa'i dbyangs ltar yid 'phrog pa/ /rna ba'i bdud rtsi de yang dran pa'i yul/ /khyod thugs zab gsal ting 'dzin sgo brgya la/ /mnyam par 'jog la skad cig g.yo med pa'i/ /de lta'i ngang nas so so'i skal ba dang / /'tshams par gdul bya skyong mdzad khyod thugs dran/ /'on kyang thun mong snang ba'i gzugs kyi sku/ /chos kyi dbyings su bsdus kyang las dag pa'i/ /gdul bya rnams la 'bral med skyong mdzad pa/ /'di la kho bo nges shes rnyed pa'i phyir/ /bdag gis byang chub bar gyi skyabs der 'dud/ /de ltar grub mchog dbang po'i mtshan can nyid/ /dran pa'i yid kyi gdung bas gsol btab pas/ /bla ma padma 'byung gnas dbyer med pa'i/ /dges pa'i tshul gyis rtag tu rjes 'dzin shog /ces kyang shugs 'byung du gsol ba btab pa'o/ /de lta bu'i grub pa'i dbang phyug chen po de nyid kyi lcam sring mo che ba ni/ rin chen bsod nams bu khrid ces bya ba 'di mnga' ris btsad po'i khab tu phebs nas sras lcam sring gnyis 'khrungs shing / sngags 'chang chos kyi rgyal po'i bka' 'bum phal cher par du bzhengs pa sogs bstan pa'i bya ba rlabs chen du ma mdzad de mnga' ris nyid du sku gshegs so/ /'bring po ni lha gcig bkra shis sgrol ma ste 'di nyid kyang bsam yas kyi sa skyong chen po'i khab tu phebs nas sras lcam sku mched gnyis 'khrungs shing / slar gdan sa chen por phebs nas bla brang shar gyi gzim khang du sku