[A:289b]bzhin du phul te/ kho bo cag rdo rje 'dzin pa bcu phrag lhag tsam gyis yi dam kye rdo rje la brten pa'i rab tu gnas pa'i cho ga smin rgyas su bsgrub ste/ sku brnyan ngo mtshar can de nyid dbu rtse rnying mar lam 'bras brgyud pa'i khrod la bzhugs su gsol zhing / dngul gdung yid bzhin gyi nor bu dgos 'dod kun 'byung nyid ni gzhi thog bla brang gi rigs 'dzin bla ma brgyud pa'i pho brang gi sngags 'chang chos kyi rgyal po'i gdung rten gyi g.yas su mchod pa'i bye brag dpag tu med pa dang bcas nas skye bo su zhig gis mthong yang dwang 'dod kyi dad pa bla na med pa skyed pa sogs kun gyis mthong na yid mi mthun pa med par bzhugs pa 'di yin no/ /gzhan yang dus rgyun gyi mchod par dge 'dun brgya phrag la nye bas kye rdo rje'i rtsa rgyud brtag pa gnyis pa'i rgyud 'don/ bla ma mchod chog nar mar 'bul ba sogs dang / lo dus kyi dus dran gyi mchod pa la rje btsun rdo rje bdag med ma'i sgrub mchod gsar 'dzugs bgyis te/ mdor na rang gi lus longs spyod thams cad rje btsun bla ma de nyid dgongs pa chos kyi dbyings su rdzogs pa'i thabs su ci 'gyur gyi thabs la rtag 'grus su bgyid pa 'di yin no//
//'dir smras pa/ dus gsum rgyal ba'i spyi gzugs grub dbang rje/ /mthu rtsal nus pa'i mnga' bdag yongs 'dzin khyed/ /dran pa'i mod la slob bu'i tha chung bdag /gdung ba'i gsol 'debs thal lo snyan gsan cig /gang sku padma rA ga'i lhun po la/ /nyi ma bye ba'i 'od zer mdangs 'phro ba'i/ /dges pa'i 'dzum zhal yang yang ston pa de/ /snying nas dran no gsol 'debs byin gyis