[A:289a]gi bya ba rnams nyin gang gcig la mi zin pa 'dug go zhes gleng bar byung yang / rje nyid kyi thugs rje'i rgyun gyi nyi ma sngar bas sum cha tsam gyis ring bar gyur te bya ba phal cher nyi ma bzhud 'phral tshun la grub pas kun kyang ngo mtshar du gyur pa yin la/ de lta bu'i dgongs rdzogs shin tu rgya che ba gzhi byes thams cad du blos mi 'khyud pa lta bu bsgrubs pa 'di 'dra ba ni rgan rabs sus kyang mi dran pas/ dus phyis byon pa'i rje btsun sa skya pa'i gdung rigs kyi dgongs pa rdzogs thabs zhig la 'di kho na dngos po bzang zhing rgya che ba sogs rgyu mtshan du ma'i sgo nas ngo mtshar che ba yin no zhes skye bo thams cad mgrin gcig tu sgrogs par gyur cing / de nas yun mi ring bar rje btsun grub pa'i dbang phyug nyid kyi nang rten du rin po che dngul las grub pa'i rnam rgyal mchod rten rgya dpangs che zhing bzo khyad phun sum tshogs pa dang ldan pas blta bas chog mi shes pa kun gyi mig gi bdud rtsir gyur pa zhig dang / rje nyid kyi sku tshab gser zangs las grub pa'i sku tshad ma sogs rten bzhengs rnams gegs med du grub pa na dge sdings chos kyi pho brang nas rje nyid kyi sku gdung yid bzhin gyi nor bu spyan drangs nas dngul gdung rin po che'i gzungs zhugs kyi gtso bor ji srid bstan pa nam gnas kyi bar du lhar bcas 'gro ba kun gyi bsod nams kyi zhing dam par bzhugs su gsol zhing / gzhan yang gzungs dang byin rlabs kyi rten grangs dang tshad med pa zhig gis gdung rten rin po che dang sku tshab sogs rten gsar bzhengs rnams la phyur bur bltams pa'i gzungs rdzong tshul