[A:288b]mkhyen gyis dgongs pa kho na las gzhan du ma 'das so snyam pa'i dad pa ches cher skyes pa'i mod la gnyid sad byung bas/ rang gi dad mos kyis ma bslus na rje grub thob kyi gtsug rgyan de nyid kyi thugs rje la nye ring med par 'dug snyam pa'i yid ches dang dga' spro ci yang zhig thob pa lags so/ /de nas bdag nyid chen po'i sku gdung rin po che de nyid re zhig dge sdings bkra shis bsam 'grub tu mchod rten khang bu brtsegs pa zhig byas nas bzhugs su gsol te/ de'i drung du rdo rje 'dzin pa bcu phrag lhag tsam zhig gis dus dang rgyun gyi mchod pa rgya chen po rgyun ma chad par phul zhing / de nas rje btsun chos kyi rgyal po de nyid kyi dgongs pa rdzogs thabs su dbus gtsang gi ljongs kyi dgon gnas nyis brgya lhag tsam zhig tu mang ja 'gyed bcas/ bsdo rten tshan grangs sogs rgya dpangs shin tu che bar bsgrubs shing / de dang dus mtshungs par gdan sa chen por dge 'dun brgya phrag la nye ba tsam zhig gis rdo rje theg pa bla na med pa'i dkyil 'khor du ma zhal phye ste sgrub mchod yun ring phul zhing / de nas dgongs rdzogs kyi dngos gzhi la gdan sa chen po'i gtsug lag khang thams cad du dkar me snyan dar sogs mchod pa'i bye brag tshar du dngar ba du ma dang / bla ma slob dpon/ las chen sogs zur 'bul 'os pa rnams la tshan grangs dpangs mtho ba/ gzhi byes kyi dge 'dun skye bo'i tshogs dang bcas pa khri phrag tu longs pa la mang ja gdan non zab ma'i steng / zang zing gi sbyin gtong blo'i ra ba las 'das pa zhig bsgrubs pas/ skya ser tshogs che zhing grangs mang ba la brten sbyin gtong