[A:288a]la gsol 'debs bshags pa dang bcas pa'i tshigs bcad cig kyang brtsams yod do/ /de lta bu'i yongs su 'dzin pa chen po de nyid gzhan ngor gzugs sku chos dbyings su thim pa'i tshul bstan mod kyang / dad ldan gyi bu slob rnams kyis gsol ba btab na nyams dang rmi lam gyi tshul du zhal gyi dkyil 'khor bstan nas 'bral ba med par byin gyis rlobs par nges te/ rje nyid kyi slob ma'i tha chung ngos cag lta bu la mtshon na'ang / khyi lo dpal sa skya'i lha khang chen mor gzhi byes kyi chos nyan pa nyis brgya lhag tsam la gsung ngag rin po che lam 'bras bu dang bcas pa'i gdams ngag nyams myong steng nas 'chad rgyu kho bo la med mod kyang / tshig bshad gang shes kyi ngos zla ba gsum tsam gyi bar du smin rgyas 'chad skabs tho rangs kyi cha zhig rmi lam du/ lha khang chen mo'i steng gi mgon khang khyad par can de nyid du 'jam mgon grub pa'i dpa' bo dbang po'i mtshan can de nyid gsal por byon te/ dpal rdo rje nag po chen po gur gyi mgon po lha brgyad/ lha bcu gnyis ma/ lha lnga ma rnams kyi dbang bskur dus gcig la stsal ba snyam byed pa de'i ngang nas thugs dges pa'i mdangs du ma zhig mdzad de/ khyed la rdo rje gdan pa kun dga' rnam rgyal gyis dbang bskur mdzad dus kyi khyor chu'i snod 'khrul med dung chos ngo mtshar can yod pa de nged la dgos pa 'dug ces gsung byung ba na/ e ma ngo mtshar che/ dung chos de lag na yod pa'i 'phros zur tsam yang rje'i sku 'khor ba sogs su dang yang 'phros ma byung bar/ 'di bzhin gyi bka' stsal phebs pa ni thugs