[A:287b]'jug bde ba chen po'i ngang du mnyam par bzhag ste/ de nas tshes bcu gnyis kyi tho rangs kyi cha la babs pa na/ 'od gsal las zung 'jug gi skur bzhengs nas dbu'i gtsug tor mchog tu 'phags te/ dpa' bo dang rnal 'byor ma'i tshogs bsam gyis mi khyab pas bsu ba dang bcas dag pa'i zhing bde ba can zangs mdog dpal gyi ri ga la ba der/ slob dpon chen po nyid kyi sprul pa sprul gzhi la thim pa'i tshul gyis gshegs par gyur to/ /de ltar bdag nyid chen po de nyid zhing khams gzhan du gshegs pa'i tshul bstan nas zhag gsum lon pa'i tshes bcu gnyis kyi nyin kho bo cag dge sdings bkra shis bsam grub tu 'byor skabs/ de'i nyin gang nam mkha' dwangs pa la me tog gi char dang / khyad par 'ja' 'od kyi gur khang sngon chad gangs can gyi khrod du ma byung zhing mi srid pa lta bu'i ri mo ngo mtshar can gyis nam mkha'i khams thams cad khyab pa ni nyi ma ma nub kyi bar byung bas kun kyang dad gus kyi ba spu ches cher g.yos par gyur cing / de nas ngos cag gis sku gdung rin po che'i drung du dkar me zhal zas yon chab rnams tshar du dngar ba sogs mchod pa'i bye brag rgya mi chung bar bsham ste/ lam zab bla ma rin 'byung la thun du bcad nas maNDal dang lus kyis phyag bya ba/ ngag gis gsol 'debs dang bshags pa smon lam la sogs pa grangs med pa zhig nyi ma du ma'i bar du bgyis skabs/ sku gdung rin po che las dri bzang thul ba sogs ngo mtshar ba'i ltas du ma dang / khyad par sdig pa dag pa'i rtags shin tu che ba mngon gyur du byung ste/ de'i dus su kho bo cag gis rje 'di nyid