[A:287a]pa bzhin/ rje nyid kyi zhabs 'bring pa chen po chos rje kun dga' bkra shis kyis kyang phyag len la thebs par bgyis pa na/ de nas rje btsun grub pa'i dbang phyug bka' drin gzhal du med pa de nyid kyis gdan sa chen po'i sde bstan pa gdung brgyud dang bcas pa thugs yul du bcangs pa'i skus mi lcogs bzhin du rtse gdong nas dge sdings bkra shis bsam 'grub tu chibs kyi kha lo bsgyur te/ bya lo hor zla dang po'i yar tshes la dge sdings chos kyi pho brang ga la ba der chag phebs te/ lam bar rnams dang ji srid bsnyung ba'i bar du thams cad du thugs dam zab mo'i rim pa rnams la rtag 'grus su mdzad pa'i ngang nas/ rgya gar slob dpon shrI sidha byon nas rdzogs chen gyi lta ba'i sgro 'dogs bcad pa sogs de ltar dag pa'i gzigs snang bsam gyis mi khyab pa 'char bzhin pa dang bcas/ zla ba de ka'i tshes bcu slob dpon chen po padma 'byung gnas nyid bod yul 'dir dngos su 'byon par nges pa'i dus bzang po de nyid kyi tshe/ nam mkha' la 'ja' 'od dang lha'i me tog gi char sogs ngo mtshar ba'i ltas du ma dang bcas/ le lo can rnams brtson 'grus la bskul ba dang / rtag 'dzin can rnams nges 'byung bskyed pa'i phyir/ snyigs dus kyi grub pa mchog gi ded dpon 'khrul zhig yongs kyi gtsug rgyan dam pa de nyid dgung lo drug cu re gsum du phebs pa'i tshe dge sdings bkra shis bsam 'grub nyid du gzugs kyi sku chos kyi dbyings su bsdu ba'i tshul bstan to/ /de ltar tshes bcu'i snga dro nas bcu gnyis kyi tho rangs kyi bar du 'od gsal ma bu 'dres pa'i zung