[A:286a]bslab bya mtha' dag zhus pa'i tshe/ spyir 'das ma 'ongs kyi bka' stsal lung bstan mtha' yas pa zhig gnang nas/ de rnams gsungs pa'i rjes su da ni zhabs dbang bka' bsgo zhig kyang byed pa yin no gsungs te/ chos skyong rnams la bka' bsgo rgyas par mdzad cing / de nas bzhugs gdan nas bzhengs te/ des na nged rang khu dbon rang 'dod phugs su 'tshab pa'i bdud sprul tsho'i zer stabs kyi dbang du ma song pa'i bstan pa bsam pa zhig cis kyang dgos pa 'dug pas nged kyis kyang khyed rang dpon slob tshor dbu 'don du gang 'gyur zhu ba 'di ka kha zhe med pas/ nged kyi grogs mchog chos rje la yang mgo 'don du spyan byams pa zhig cis kyang mdzad dgos so zhes gsung byung bas/ rang nyid rtag 'dzin ches pa nas ci gsung ba yin/ sngar nas nged kyi bla ma 'di 'di lta bu'i gsung 'jebs pa che btsun yul gnyan su la yang mi gnang ba la/ da lan nged lta bu'i slob ma'i tha chung shig la de lta bu gsung ba ci rang yin snyam pa'i sems dga' la skyo ba zhig byung ba phyis bsams pas/ rje nyid myur du dag pa'i zhing du phebs pa'i dgongs pa de dus nas gtad pa'i gsung du 'dug cing / de nas bdag nyid chen po chibs thog tu 'khyon nas rgyang tsam phebs skyel zhus nas dpon slob gyes kar/ rje nyid kyis chibs pa g.yon phyogs su bsgor mdzad nas phyag g.yon pa mchog sbyin gyi phyag rgya lta bu zhig mdzad de/ nged rang tsho myur du mjal yong bas de bar thugs bzhugs spro ba mdzod cig gsung byung bas yid 'phrang ba la tshad med pa zhig byung nas/ da