[A:285b]rje'i sgrub thabs kyi rnam bshad/ gsung ngag gi khrid yig slob dpon rin po che padma'i rnam thar sogs dang / gzhan yang gdams pa'i skor du ma dang gnas chen rnams kyi bstod pa/ rtsa ba'i bla ma sngags 'chang chos kyi rgyal po'i bstod pa dang / gsol 'debs kyi skor la sogs pa rtsom pa sdeb legs kyi gsung rab kyang mang du mdzad de rgyal ba'i bstan pa nyin mo ltar gsal bar mdzad pa yin no/ /de lta bu'i grub pa'i 'khor los sgyur ba'i skyes chen de nyid dgung lo drug cu re gsum du phebs par nye ba na/ zhing 'di'i gdul bya de tsam gyis rdzogs nas zhing khams gzhan du gzhan don rgya che ba la dgongs te/ nyid kyi gsung las/ kho bo ni snga mo nas kyis bsams pa bzhin da myur du rgya gar la 'gro nges pas de'i phyag g.yog gi 'os rnams kyang gang zag 'di dang 'di zhes bya ba dag mo brtag byas pa'i phyug pa rnams la khrid rtsis yin gsung ba sogs dag pa'i zhing du myur du phebs pa la thugs rtse gtad kyang bdag cag ltos bcas rnams kyi sems bsrung ba'i phyir yul khams gzhan du nye bar phebs pa'i gsung yang dang yang du 'byon par mdzad cing / de lta bu'i skabs nas gdan sa chen por rgyun mi thung tsam zhig bzhugs pa'i dgongs pa yod kyang / rtse gdong nas spyan 'dren gyi pho nya nan chen byung ba la brten nas zhu shin tu dka' yang mthar zhal bzhes gnang nas spre'u lo zla ba bdun pa'i tshes bcu dgu'i tho rangs chibs kyi kha lo sgyur bar mdzad pa'i tshes bco brgyad dang / khyad par bcu dgu'i chibs thog tu khel bar nye ba'i tshe/ nged rang zhabs drung du yun ring bsdad nas