[A:29a]pa/ khams pa sga theng / snyag bzhi dar ma dbang phyug rgyal mtshan te pho brgyad/ rang sras kun dga' 'bar gyi yum jo lcam phur mo/ /g.ya' lung gi jo mo 'a 'u ma/ mang mkhar gyi jo mo mang chung ma ste mo gsum/ rnam 'grel bcu gcig ces grags pa ni gang zag 'di bcu gcig la gdams pa yin gyis gzhan du yid g.yo bar ma byed cig gnyis pa ni gzhung bshad mdzad pa'i dngos slob sna ro bande/ stong sgom byang chub shes rab/ mi nyag pradznyA dzwa la/ zhu brag dmar ba/ 'u yug gi g.yar sbu ba/ phag mo grub pa'o/ /phyogs kyi mkhas grub bzhi ni/ la stod pa dkon mchog mkhar/ khams pa rgwa lo/ ne tshe sbal ston/ gshen rdo rje bzang po dang bzhi rnams so/ /yang bla chen de nyid las slob ma 'phel tshul rnams gzhan gyis rtogs sla ba'i phyir tshigs bcad du bsdebs pa ni/ rje sa chen gyi bstod pa zhu byas kyis mdzad pa'i kha skong paN chen mi nyag grags rdor gyis mdzad pa las 'di ltar 'byung ste/ gdul bya mtha' dag smin par mdzad pa la/ /zhang dgon sgyi chu ba yi lung bstan ltar/ /tshe 'dir phyag chen thob pa rnam pa gsum/ /singga gling gi rnal 'byor byang sems stag /sgom pa skyi 'bar gsum du gsal bar grags/ /bzod pa thob pa bdun du grags pa ni/ /rje btsun chen po zhus byas dngos grub dang / /nags sgom bsod rgyal tshar kha'i rnal 'byor pa/ /sgom pa 'od grags dga' ston mang chung ma/ /gzhon nu'i sa la gnas pa'i slob ma ni/ /mkha' spyod dbang po bsod nams rtse mor grags/ /gzhan yang bdag nyid