[A:28b]pa/ sa dang po gzhon nu'i sa la bzhugs shing sku'i bkod pa gnyis kyi sgo nas bde ba can du gshegs pa de yin la/ gzhan yang rje dgon pa bas lung bstan pa dang / sgyi chu ba la dbang zhus pa'i sta gon gyi mnal lam dang mthun par tshe 'di nyid la phyag rgya chen po 'grub pa gsum ni/ singga la'i gling nas a tsa ra gcig byang chub sems dpa' stag sgom pa skyi 'bar ba dang gsum mo/ /bzod pa thob pa bdun ni/ rje btsun rin po che/ zhu byas/ dga' ston rdo rje grags/ nags sgom bsod nams rgyal mtshan/ tshar kha'i rnal 'byor pa/ sgom pa 'od grags/ mang chung ma'o/ /gzhan yang mkhas pa dang / nus pa dang ldan pa dang / ting nge 'dzin mchog dang ldan pa ku sa li'i tshul du sbas te bzhugs pa dpag tu med pa byung ngo / 'di dag gi rnam thar rgyas pa ni kho bos byas pa'i gsung ngag gi chos 'byung chen mo legs bshad 'dus pa'i rgya mtsho sogs su blta bar bya zhing / gzhan yang gzhung bshad gces par 'dzin pa'i thugs sras bcu gcig tshig rkang rnam par 'grel pa'i thugs sras bdun/ phyogs kyi mkhas grub chen po bzhi sogs byung ba yin te/ zhu byas kyis bsdebs pa'i bstod pa las/ zab don yongs su rdzogs pa'i slob ma ni/ pho brgyad mo gsum dag la yi ger gdams/ /zhes pa ltar/ khams pa a seng / lho pa zhu byas/ klog skya jo sras chos grags/ thugs sras gnyan phul chung ba/ gtsug tor rgyal po/ mtshan dngos bsod nams rdo rje/ spyan ras gzigs kyi rnam sprul byang sems zla ba rgyal mtshan/ zangs ri phug