R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:29b]che de'i slob ma ni/ /brtul zhugs grub pa dpal chen rgwa lo'i zhabs/ /byang chub sems dpa' zla ba rgyal mtshan dang / /dpal ldan phag mo grub pa chen po dang / /sgom pa rta rgan rnal 'byor phag ston sogs/ /grub pa brnyes pa'i skyes chen du ma dang / /rta nag 'khrungs pa'i rgyal tsha tal phug pa/ /'u yug 'khrungs pa'i dbyar ston sbu ma ba/ /g.yor ston byon pa'i gshen ston rdor seng dang / /yar lung 'khrungs pa'i gshen ston dgon dkar ba/ /'on du byon pa'i zhang ston gsum thog pa/ /brag dmar zhu dang zhang ston spe'i dmar pa/ /skyu ra a skyabs de sras a seng dang / /gnam du byon pa'i ne tshe sbal ston dang / /lha brag dkar ston lcags kyi rdo rje dang / /gsang phu'i mkhas pa mdzangs ston mdza' ne dang / /thugs sras dam pa bsod nams
gnyan phul chung bar grags pa
rdo rje dang / /snyag ston dbang rgyal rgya sgom tshul khrims grags/ /mi nyag ston pa pradznyA dzwa la dang / khams pa sga theng 'a 'u ma la sogs/ /rmi lam na yang 'dod la ma chags shing / /rgyud sde'i snying po rim gnyis lhur len pa'i/ /mkhas grub dam pa mu mtha' 'brel pa yis/ /rgya mtsho'i gos can dpal dang ldan par byas/ /rgwa lo'i slob ma g.yu brag pa la sogs/ /zla rgyal slob ma nyin phug pa la sogs/ /phag gru'i slob ma 'bri stag gling gsum sogs/ /rgyal tsha'i slob ma ri ma lce bsgom sogs/ /a seng slob ma phyag gtsang nyang ran sogs/ /rje pa'i slob ma sa skya paN chen dang / /grags pa'i mtha' can brgyad la sogs pa ste/ /shar phyogs rgya mtsho'i mtha' klas dam pa rnams/ /