[A:285a]ban rgan mgo dkar ba/ /zhes dang / dris lan bstan pa rgyas byed kyi mjug tu yang / padmas rjes bzung ri khrod pa/ /byas 'gyur sgrub chen zhes byas bris/ /zhes gsungs pa sogs mang du 'byung bas so/ /gzhan yang bla ma mchog gi lung bstan khyad par can yang brnyes pa'i tshul ni/ rje 'di sku na gzhon nu'i dus su sngags 'chang chen po'i gsung las/ bsod nams dbang po 'di ma 'ongs pa'i dus su dbus gtsang mnga' ris sogs rgyal khams thams cad kyi bla mar gyur nas 'gro ba ma lus pa dbang du 'dus pa'i mthu stobs la kun gyi 'gran zla dang bral ba zhig 'byung ngo zhes lung bstan pa ltar mthu stobs dang nus pa stobs kyi mgon po birWa pa dang dbyer ma mchis shing / gang gi zhal gyi dkyil 'khor mthong ba tsam gyis kyang gdul bya thams cad dbang du 'du ba zhig yin la/ de lta bu'i grub pa'i dbang phyug chen po de nyid kyi nang du ting nge 'dzin bsam gyis mi khyab pa las ma g.yos bzhin du mkhas pa'i bya ba rnam gsum gyi nang nas 'chad pa nyi ma'i 'od zer gyis gdul bya'i blo gros kyi padmo rab tu gsal bar mdzad pa'i tshul ni/ bdag nyid chen po 'dis rje btsun sa skya pa'i yab chos thun mong ma yin pa yang phur gnyis dang / bde kye gsang gsum sogs kyi dbang byin rlabs/ rjes gnang lung la sogs pa du ma zhig stsal ba'i sgo nas skal ldan gyi slob ma'i tshogs kyang bsam gyis mi khyab pa zhig bskrun par mdzad cing / dngos dang brgyud pa'i gdul bya rnams kyi don du sngon med pa'i legs bshad kyi tshogs gsar du mdzad pa yang dges pa rdo