[A:282a]pa dang / brag phug me 'bar ba'i khrod na bzhugs pa'i gur gyi mgon po'i sku zil dang ldan pa zhig dngos su gzigs pa dang / gzhan yang bstan srung dbang po rnams kyis dngos dang rnam 'phrul du mas zhal yang yang bstan pa'i lo rgyus mang du yod kyang 'dir ma spros la/ khyad par pu tra chen po nyid dang 'bral med du bzhugs pa yin te/ nyid kyi gsung las/ 'dug grogs su pu tra ngo mtshar che/ /zhes gsungs pa dang / kho bo cag gis rje nyid kyi drung du byas 'gyur bla brang nub kyi mgon khang khyad par can der/ gur mgon lha brgyad/ dpal mgon zhal khra can/ pu tra ming sring gsum gyi rjes gnang rnams zhus pa'i dus/ rje nyid kyi gsung las/ kha rtsang byas 'gyur gyi maNDal na mon pa ming sring gsum gar byed kyi 'dug pa 'tshub ma zhig tu song nas brag 'di la thim song ba de res rjes gnang 'di byed pa'i rten 'brel du 'dug gsung ba sogs kyis shes so/ /yi dam zhi khro rnams kyi zhal gzigs pa yang / yang phur/ gur drag bde kye rnams kyi zhal mngon sum du bstan pa'i tshul ngo mtshar can mang du snang zhing / lhag par rdo rje gzhon nu nyid kyi zhal lan gcig ma yin par yang yang du gzigs shing byin gyis brlabs pa la brten nas rje nyid kyi thugs dam gyi mthil yang lhag pa'i lha 'di kho na la mdzad pa yin no snyam du kho bo sems shing / de ltar dngos grub kyi mtshan ma brnyes nas grub pa'i rtags mtshan bstan pa'i tshul ni/ spyir bdag nyid chen po 'dis/ zab phu/ rta nag mnga' ris sogs slob dpon rin po che padma'i gnas chen