[A:281b]bzhed de/ rje mus chen nyid ngam ring rgyal po'i pho brang na bzhugs pa'i skabs shig bdag nyid chen pos thugs dam dang bcas rkang mgyogs shig ched gtad gnang ste/ spyir nged kyi 'dod chos rnams dbus gtsang gi ljongs 'dir 'tshol lugs byas pas blo kha khengs pa tsam byung yang / bde mchog gi skor 'di sngar yan re ba bzhin ma byung ba khyed mus pa tsho brgyud pa gtsang zhing bde mchog skor la 'dris pa zhig yin pas/ de skor gyi chos bka' yongs su rdzogs pa zhig ngos la zhu dgos 'dug pas bstan la dgongs pa'i thugs khur bskyed pa rang gal che che zhes pa'i bka' dam nan chags phebs 'dug pa sogs mdor na zab mo'i chos gsan pa la dus khor yug tu 'bad rtsol gzhan las ches che ba mdzad de/ gsan pa de dag kyang don dang ldan par bya ba'i phyir rtse gcig tu bsgom sgrub la bzhugs pa'i tshul ni/ de yang gdan sa chen po/ dge sdings bkra shis bsam 'grub/ byas 'gyur rdo rje'i brag rdzong / phu ri glang brag gi ri khrod sogs su thugs dam zab mo la rtse gcig tu bzhugs nas yi dam zhi khro du ma'i gsung bsnyen dang / lhag par chos skyong gi rtsa sngags snying po nye snying rnams la bye bsnyen sogs gsung bzlas mang du mdzad pas mthu dang nus pa'i mnga' bdag tu gyur cing / yi dam zhi khro du ma dang / rdo rje'i chos skyong du mas zhal gzigs shing byin gyis brlabs pa'i mtshan ma mang du brnyes pa yin te/ de yang byas 'gyur du lo gsum lan gnyis gnang ba'i snga ma'i dus/ shing mgon yid bzhin nor bu'i thugs ka nas 'od sngon po zhig byung ba rje nyid kyi thugs kar thim