[A:280a]nyid chen po sa skya paNDi ta chen po'i chos kyi khri ga la ba der bstan pa'i bdag por mnga' gsol te/ de'i skabs su bdag nyid chen po 'dis bstan bcos chen po thub pa'i dgongs pa gsal ba zhes bya ba/ 'dus pa'i 'khor tshogs bsam gyis mi khyab pa zhig la/ dag gsal snyan pa'i gsung gis nyi ma gsum gyi bar du bshad pas/ der 'dus kyi skye bo thams cad yid 'phrog par gyur cing / de nas bdag nyid chen po 'di dgung lo bcu dgur phebs pa'i tshe/ chos kyi rje nam mkha' dbang phyug pas mkhan po dang / las kyi slob dpon rje mgon po rin chen dang / gsang ston rje byams pa bkra shis pas mdzad cing / gzhan yang grib tshod pa dang grogs dan pa gnyis lo phu nas dge slong bgres pa gnyis kyis mdzad de/ de ltar gzhi byes kyi dge slong nyer lnga lhag tsam 'dus pa'i dbus su bdag nyid chen po sa skya paN chen gyi bsnyen rdzogs kyi sdom rgyun de nyid bzhes te bsnyen par rdzogs pa dge slong gi dngos po phyin ci ma log pas thugs rgyud phyug par mdzad do zhes thos la/ de dag gi gnas skabs rnams su bdag nyid chen po 'di nyid kyis mdo phyogs la gsan sbyong rgya chen po mdzad de/ /rje 'di dgung lo bcu phrag gnyis dang bzhis lhag par phebs pa chu pho rta'i lo gsar du shar ba na tshogs chen por mgon po byams pa'i mngon rtogs rgyan sogs byams chos sde lnga/ dam pa chos kyi grags pa'i rnam 'grel sogs tshad ma sde bdun/ gzhan yang chos rje sa paN gyi sdom rigs gnyis sogs po ti brgya dang bcu gcig tsam zhig la sbyor bkod gsung bshad