[A:280b]sogs kyis bstan pa'i rnam gzhag phul du phyin pa mdzad cing / de lta bu'i bdag nyid chen po 'dis yongs 'dzin dam pa rnams las zab rgyas gsan pa rgya mtsho'i pha rol du son par mdzad pa'i tshul ni/ thog mar yab rje chos kyi rgyal po sngags 'chang kun dga'i mtshan can nyid kyi drung du bcom ldan 'das rdo rje gzhon nu/ yang dag mar me dgu pa/ bde kye gsang gsum/ bdag med ma rnams kyi dbang sogs smin byed dbang gi rnam grangs du ma zhig dang / gzhan yang rdo rje bdag med ma'i byin rlabs dang / nA ro mkha' spyod kyi byin rlabs sogs dang / chos skyong che chung / las mkhan pu tra ming sring gi rjes gnang sogs rjes gnang gi rigs bsam gyis mi khyab pa zhig dang / yang gsung ngag rin po che lam 'bras bu dang bcas pa'i gdams pa sogs grol byed khrid kyi rnam grangs shin tu zab pa du ma rgyab chos kyi lung dang bcas pa dang / gzhan yang lung gi skor la rje btsun gong ma lnga'i bka' 'bum/ rdo rje'i 'chang kun dga' bzang po'i bka' 'bum/ kun mkhyen bsod nams seng ge'i bka' 'bum/ sa lo thams cad mkhyen pa'i bka' 'bum/ jo bo'i chos chung brgya rtsa rnams kyi lung gi rigs bgrang bar dka' ba lta bu zhig gsan cing / mdor na dgung lo nyer drug bzhes pa tshun chad sku dang grib ma'i tshul du 'bral med du bsten nas/ lugs gnyis kyi bka' drin tshad med pas bskyangs pa la brten/ nyid kyi bla ma rnams kyi nang nas sngags 'chang chos kyi rgyal po nyid la mchog tu dad gus che bar mdzad cing / gzhan yang bdag nyid chen po 'dis yongs 'dzin dkon