[A:279b]phebs nas zhabs 'bring pa rnams la/ khyed rnams kyis bu tsha la bca' ga cher mi byed 'dug na'ang 'di rang la grogs 'grul btub cig slebs 'dug ces gsungs pa la/ zhabs 'bring pa rnams kyis grogs de nyid su lags zhus pa na/ sngags 'chang nyid kyi gsung gis/ de pu tra yin pa 'dug ces gsung bar grags pa la sogs pa mdor na gzhon nu'i dus nyid nas dam can pu tra chen po 'bral ba med pa'i tshul gyis 'phrin las rgya chen po bsgrubs pa zhig yin no zhes thos la/ de nas yon tan gyi phyi mo 'bri klogs la sogs pa rnams ni gzigs pa tsam gyis thogs med du mkhyen cing mthar phyin nas rim gyis yab rje chos kyi rgyal po nyid kyi drung du/ rje btsun sa skya pa'i yab chos yang phur rnam gnyis/ bde kye gsang gsum/ yo ga bya spyod rdo rje'i chos skyong rnams dang bcas pa'i dbang lung man ngag cho ga phyag len dbyangs rol gar 'chams la sogs pa kun la byang chub par mdzad de/ de nas dgung lo bcu gcig bzhes pa sa mo sbrul gyi lo/ /spyan snga tshul khrims 'bar gyi rnam par sprul pa lo nas spyan snga rin po che ngag dbang chos kyi grags pa'i drung du dpal lo dgon pa'i gtsug lag khang ga la ba der lam thams cad kyi rtsa ba rab tu byung ba dge tshul gyi sdom pa rnam par dag pa nos shing / de nas brtsams te lhag pa tshul khrims kyi phung po mig 'bras ltar gces par bzung nas/ bslab bya phra zhing phra ba kun la yang ma nyams par spyod pa zhig yin la/ de nas bdag nyid chen po 'dis dgung lo bcu phrag gcig dang nyag ma gnyis tsam bzhes pa lcags pho rta'i lo bdag