[A:275b]dus 'dir ci mdzad bstan 'gro'i don gyur ba'i/ /yid bzhin nor bu lta bu'i sngags 'chang de/ /slob tshogs rnams kyis rnyed nas glo bur stor/ /rigs gzugs phun tshogs mthu stobs bsam yas shing / /bstan pa 'dzin skyong spel la rab mkhas pa'i/ /'gro ba'i gnyen khyod lo 'ga' mi bzhugs par/ /bstan pa'i bya ba bshol nas gang du gshegs/ /rgyal ba dges pa'i spyod tshul lhur mdzad pa'i/ /skyes mchog 'di 'dra lha yi bla ma zhes/ /lha bu rnams kyis me tog sil ma dang / /'ja' 'od shing rtas bsus nas yud kyis gshegs/ /dmigs med thugs rjes rang don kun bor nas/ /rtag tu gzhan don 'ba' zhig bsgrub pa khyod/ /da ni 'gro ba'i don mdzad rdzogs gyur tam/ /min na bu slob 'bor ba 'di phod dam/ /'on kyang mthong ba don ldan khyod sku yis/ /brtse med zhing 'dir 'dor ba'i tshul ston pa/ /tshad med thugs rje'i skyon du mi 'tshal gyis/ /zhing 'di'i gdul bya'i skal ba'i skyon du zad/ /sngags 'chang thams cad mkhyen pa khyod gshegs pas/ /dbang bskur rjes gnang bka' gtad su la zhu/ /rgyud dang man ngag zhal shes su yis 'byed/ /phyag len phra mo'i tshogs rnams su la 'dri/ /mgon khyod bstan pa'i bya bas thugs bskul nas/ /yang yang spyan gyis gzigs shing phyag reg pa'i/ /gtsug lag khang dang rten gsum ngo mtshar rnams/ /da lta grogs med so sor skye ba 'phel/ /'dren mchog khyed kyi zhabs drung gnas bcas nas/ /'dzum zhal mngon sum mthong ba'i skabs bral ba'i/ /bsod nams dman pa'i rjes