[A:274b]dang / le lo can rnams brtson 'grus la bskul ba'i phyir/ sngags 'chang bla ma de nyid dgung lo re brgyad du phebs pa shing pho spre'u'i lo gro bzhin zla ba'i dkar po'i phyogs kyi tshes bcu gnyis la/ rgyud sde rnams nas 'byung ba'i 'da' kha ma'i rnal 'byor zab mo gsal 'debs par mdzad de/ thun mong du snang ba'i gzugs sku de nyid kyi bkod pa chos dbyings su bsdu ba'i tshul bstan to/ /de'i dus su bdag nyid chen po la mi phyed pa'i dad pa dang ldan pa rgya mkhar rtse'i chos rgyal chen po bsod nams lhun grub la mnal ltas dang gzigs snang 'dres pa zhig la sngags 'chang nyid gsal bar byon nas/ deng phyin chad nga dran pa byung na sku 'di la gsol ba thob cig ces gsungs nas/ rgyal rtse rtse rgyal gyi mgon khang gi mgon po'i sku de la thim pa'i snang ba shin tu gsal bar byung ba dang / yang shab pa rab 'byung pa 'bul dpon shAka blo bar grags pa de nyid khams kyi lung pa zhig tu yod pa'i dus nyin gcig mthong snang la/ bdag nyid chen po de nyid bzhugs gdan dkar po gru bzhi pa zhig gi steng na bzhugs pa'i zur bzhi bteg nas nam mkha' la gshegs pa mngon sum du mthong ba sogs 'di dag ni sngon sa skya pa chen po byang gi skya bo kha gdangs su zhing gshegs pa'i tshul bstan pa na/ slob ma rnams la sku'i bkod pa mi 'dra ba mang du bstan nas dag pa'i zhing du gshegs pa dang tshul mtshungs par shes par bya'o/ /de ltar tshes bcu gnyis kyi nub mo nas bzung ste bcu bzhi'i bar du 'od gsal ma bu ro gcig tu 'dres pa'i spros pa'i tshogs thams cad nye bar zhi zhing / mtha' dbus