[A:271a]sogs/ mdor na lugs gnyis kyi sgo nas phyogs de nyid na gnas pa'i skye dgu thams cad kyi bsam pa yongs su rdzogs par mdzad nas/ de nas rim gyis gdan sa chen por chibs kyi kha lo bsgyur te zhong ngar phebs pa'i tshe/ der yab sras rnams gsol ja zhig mchod pa'i bar la sngags 'chang nyid kyi gsung las/ zho nga'i ri 'di thams cad rmugs pa 'ba' zhig gis gang nas 'dug pa khyed khri thog pa sku mched kyis mthong gi e 'dug gsung ba la/ 'jam pa'i dbyangs sku mched kyis bdag rnams kyis de bzhin mi shes pa 'dug lags zhes zhus pa na/ ci zer gsungs nas cung zad bzhugs pa'i mthar dbu gug pa cig mdzad nas go byung da yong ba 'dug ces gsung bar grags te/ 'di ni mus chen sems dpa' chen po zhi bar gshegs pa'i gong tsam du skyems dad shin tu che bas gsol ja mang du mchod dgos pa byung ba la rgyu mtshan zhus pas/ nga la kha rin dbyar chos 'chad dus gling dga'i ri sogs thams cad rmugs pa'i rang bzhin du 'char ba gcig byung ba de sa chu la thim pa'i rtags su 'dug do zhag skom dad shin tu che ba 'di chu me la thim pa'i rtags yin/ rnal 'byor pa lam bsgoms pa'i stobs kyis gzhi dus kyi rtags rnams lam rtags su shar ba yin no zhes gsungs pa dang tshul mtshungs par snang bas shin tu ngo mtshar ba'i rnam thar yin no/ /de nas gdan sa chen por phebs te de'i nang par nas/ bdag nyid chen po 'dis sngar nas mi mdzad pa'i gdan sa chen po'i gtsug lag khang so so dang / mgon khang rnams su nyin re bzhin