[A:271b]phebs te dkar me dang snyan dar sogs 'bul ba dang / thugs bskyed dang smon lam rgya chen po 'debs par mdzad cing / so so'i dkon gnyer rnams la yang ma 'ongs pa mkhyen pa'i bslab bya mang du stsal zhing / khyad par mgon khang rnams su phebs pa'i tshe/ rten rnams la phyag nas gnang ba dang bcas/ spyir sangs rgyas kyi bstan pa dang / bye brag dpal sa skya pa'i sde bstan pa gdung brgyud dang bcas dar zhing rgyas pa'i 'phrin bcol dang bka' bsgo mang du mdzad cing / khyad par sgo rum/ nang so/ skyed lhas rnams su 'phrin las bcol ba dang bka' bsgo drag tu mdzad pas/ de dus sngags 'chang nyid kyi gzigs snang la chos skyong so so'i gus 'dud dang bcas bka' las mi 'da' ba'i dam bca' phul bar nges te/ skabs der bdag nyid chen po'i gsung gis/ da res mgon khang so sor 'phrin bcol rnams byas pa'i dus su gang bcol ba bzhin chos skyong so sos bsgrub nges pa'i yid snang gsal bar byung zhes gsung ba dang / skyed lhas mgon khang du bka' bsgo gnang ba'i dus su brag gi dbus nas Da ma ru dang / dril bu dang / rkang gling gi skad phra mo zhig dang / lhag par dril bu g.yer kha'i sgra sil chom du byung ba ni der yod kyi sku 'khor kun gyi mthun snang du grub pa thos zhes kyang grags shing / de nas klu rgyal gtsug na rin chen la chab gtor klu gtor dang bum gter 'jug pa sogs mdzad nas skye dgu rnams la bde skyid bla na med pa 'byung ba'i 'phrin bcol rgya chen po mdzad de/ de rjes sa lo thams cad mkhyen pa'i dus chen chu stod zla ba'i tshes bcu