[A:269a]pa du ma las dam pa'i chos kho na gsan pa lta bu/ yang dben gnas ri khrod rnams su thugs dam zab mo la gcig tu gzhol bas nyams rtogs bzang po 'khrungs tshul rnams dang / yi dam zhi khro du ma dang / rdo rje'i chos skyong rnams kyi gsang sngags zab mo mang po'i bye bsnyen mdzad tshul rnams la bsams na sku tshe rang po zab bzhes la chig sgril kho na mdzad pa lta bu/ yang sa skya pa'i yab chos dri ma med pa rnams gtso bor gyur pa'i dbang khrid lung man ngag rjes gnang bka' gtad sogs zab mo'i chos kyi 'khor lo bskor tshul rnams la bsams na sku tshe hril po chos kyi 'khor lo bskor ba lta bu/ yang bstan pa'i dgra bo lha gnas rnams kyis thog drangs pa'i bdud kyi gnas mal snying la bcas pa'i stobs ldan gyi gdug pa can mang po/ sa skya pa'i bka' srung khyad par can rnams bran du bskol te drag po mngon spyod kyi las sbyor gyi sgo nas gtan rlag tu btang ste/ rnam shes chos kyi dbyings su bsgral ba'i tshul rnams bsams na sku tshe rang por las sbyor kho nar mdzad pa lta bu/ yang bsam yas dang sa skya sogs kyi gtsug lag khang mang po'i zhig gsos mdzad tshul dang / gsar bzhengs bsam gyis mi khyab pa mdzad pa/ mdo sngags kyi dge 'dun gyi sde gsar 'dzugs gnang ba rnams la bsams na/ sku tshe ril po gtsug lag khang dang dge 'dun gyi sde'i zhabs tog dang gsar 'dzugs mdzad pa lta bu/ yang lho bod dbus gtsang gi khyon 'di rgyun chad med pa zhabs kyis bcags shing / dgon che chung / grwa bu slob/ bstan pa stobs kyis