[A:269b]'dzin pa'i sbyin bdag sa skyong chen po rnams lugs gnyis 'phrin las kyi sgo nas bskyang tshul rnams la bsams na sku tshe ril po de kho na mdzad pa lta bu/ yang bde kye gsang gsum/ yang phur chos skyong che chung / gzhan yang yi dam zhi khro du ma dang bcas pa'i sgrub dkyil dbang rjes gnang sogs kyi yig cha dang / gsol 'debs nyams mgur zhal gdams kyi tshogs du ma/ rab gnas sogs dang / gzhan yang gdan sa chen po'i dus ja dkar me sgrub mchod rnams dang / dbyar chos dgun chos/ dus rim che chung sogs 'phral dang yun gyi dge rgyun gtong dgos kyi deb chen/ zhal ngo che 'don sogs dang / bstan pa'i rnam gzhag mdzad tshul gyi deb chen/ 'bul sdud pa'i deb/ gdan sa mdzod chen gyi deb sogs dang / gtsug lag khang gi deb chen/ chos sde che chung mang po'i bca' yig sogs bstan pa'i rgyun la phan nges pa'i gsung rab mdzad pa rnams la bsams na sku tshe ril por bstan bcos rtsom pa kho na mdzad pa lta bu sogs mdor na skyes chen dam pa de nyid kyi ngo mtshar ba'i rnam thar gyi mdzad pa'i cha gang la bsams kyang / sangs rgyas kyi mdzad pa kho na las ma 'das pa 'di ni grub mtha' ngan pa dang yul dus kyis ma bskal pa'i skyes bu blo gzu bor gnas shing / rnam dpyod dang ldan pa kun la rlung ltar grags pa yin no/ /de ltar sngags 'chang bla ma bdag nyid chen po de nyid kyis dgung lo dgu bzhes pa nas brtsams te/ drug cu rtsa brgyad du phebs pa shing pho spre'u'i lo ma shar gyi bar du thabs la mkhas pa sna tshogs kyi sgo nas spyi dang bye brag gi bstan