[A:263a]yong bas/ che ba gnyis la gtad cher med/ chung ba de la gtad nas phyin pas 'khrul pa gtan nas 'ong ba med do gsung ba la/ 'jam dbyangs dbang po'i mtshan can dpon slob rnams kyis/ sa ni sros/ mun 'thibs pas rkang rjes rang yod kyang e mthong na snyam pa'i thugs the tshom cung zad kyi ngang nas phebs pas/ rgyang pa zhig nas sa sros te lam nor sogs byung ba na/ dpon slob rnams kyis sngags 'chang chos kyi rgyal po'i gsung dran nas gsol 'debs mdzad pas/ 'jam dbyangs dbang po'i mtshan can gyis gsal po rang min pa'i rkang rjes gsum gzigs nas/ gsol ba drag tu btab pas rkang rjes gsum gyi chung ba de shin tu gsal bar byung nas/ de'i rjes brtsad nas dpon slob rnams kyis phebs pa'i tshe lam nor 'khrul sogs gtan ma byung bar bde bar phebs pa na/ de nas mchod g.yog pa zhig gi mthong snang la/ rdo mchod thang kha'i 'og tsam nas mi shin tu che ba gsum song ba yang mthong bar grags shing / bdag nyid chen po dpon slob rnams la ji srid mun srub pa nas bsam yas su ma phebs bar de srid du sku mdun du me sgron chen po gsum byung nas nyin mo las kyang gsal ba byung bar grags pa la sogs pa ngo mtshar du ma dang bcas phebs te/ yab sras mjal ba na bdag nyid chen po'i sku 'khor rnams kyis gong gi gnas tshul de nyid 'jam dbyangs dbang po'i mtshan can dpon slob rnams la zhus pa na/ sngags 'chang nyid kyi gsung las/ he he nged rgan po tsho la de 'dra byung / khyed tsho la ji ltar byung