[A:262b]yas mi 'gyur lhun gyis grub pa'i gnas mchog de nyid du yang bstan pa'i bya ba rgya chen po zhig mdzad nas/ de nas rim gyis gdan sa chen por phebs te/ sngags 'chang chos kyi rgyal po nyid dgung lo lnga bcu'i khong tsam du phebs pa'i tshe/ gdung sras sku mched gnyis rang gi rgyal tshab dam par mnga' gsol te spyi dang bye brag gi bstan pa rin po che yar ngo'i zla ba ltar 'phel rgyas su gyur pa yin zhes kyang grags pa yin no/ /de lta'i skabs shig na yar rgyab pa'i sde pa sku 'bring zhing gzhan du gshegs pa'i dgongs rdzogs la bdag nyid chen po gdan 'dren par byung ba na/ gdung sras sku mched gnyis kyi gcung bdag nyid chen po sngags 'chang grags pa blo gros kyis gdan sa chen po'i 'gan bzhes rnams mdzad cing / gcen 'jam pa'i dbyangs bsod nams dbang po bdag nyid chen po'i zhabs phyir 'brangs te yab sras gnyis kyis slar yang dbus phyogs su phebs te/ zhing gshegs de nyid kyi dgongs rdzogs ma lus pa grub nas lha sar phebs pa'i nub/ bsam yas kyi rgyal po shing bya can bya ba des sngags 'chang nyid kyi drung du lhags nas/ bsam yas dbu rtse chen mo la zhig gsos gnang dgos tshul gyi snyan 'bul du ma zhig zhu ba bzhin/ bdag nyid chen po yab sras rnams kyis kyang bsam yas su phebs pa'i tshe/ sgrags kyi mdo der sa ma sros tsam la phebs pa na/ 'jam dbyangs dbang po'i mtshan can nyid la/ khri thog pa dpon slob snga bar la song la gtor ma sogs grabs grub pa gyis la bar lam la cag gas thon dgos/ 'on kyang lam rgyus la rkang rjes gsum